Mag-siyota pa lang at Mag-asawa na Ayon sa Kuya Andoy

Some Are Smarter Than Others Series


Mag-siyota pa lang:

Mayroong mag-siyotang naglalakad sa kalye habang magka holding hands.
Lalake : Hon, dahan-dahan ka sa paglalakad ha, basa ang kalye, baka ka madulas.
Babae : Alam mo honey iyan ang gustong gusto ko sa iyo, napaka maaalalahanin mo.
Lalake : Eh hon, alam mo namang ang kaligtasan mo ang laging laman ng isipan ko!
Babae : Talaga honey? Ang sweet mo talaga! Muah!

Mag-asawa na:

Ang mag-siyota kanina ay mag-asawa na ngayon at naglalakad sila sa kalye na may tatlong dipa na ang layo ng lalake sa kanyang asawa.

Lalake : Hon bilisan mo naman. Baka naiinip na ang mga bata sa bahay. Hindi pa sila kumakain.
Babae : Sandali lang honey, basa ang kalye eh. Baka ako madulas.
Lalake : Madulas??! Madulas??! Ang sabihin mo ay sadya ka'ng makupad!

Mag-siyota pa lang:

Mayroong mag-siyotang kumakain sa isang Restaurant.

Lalake : Aba sweet, hindi pa nababawasan iyang pansit mo ah. At ang sandwich mo ay nangangalahati pa lang?
Babae : Eh sweetheart busog pa ako eh. Saka parang wala akong ganang kumain kahapon pa.
Lalake : Aba sweet, masama na iyan. Baka kung mapaano ka na niyan.
Babae : Alam mo sweetheart,iyan ang gustong gusto ko sa iyo. Napaka maaalalahanin mo.
Lalake : Eh sweet, alam mo namang ang kalusugan mo ang laging laman ng isipan ko.
Babae : Talaga sweetheart? Ang sweet sweet mo talaga! Muah!

Mag-asawa na:

Ang mag-siyota kanina ay mag-asawa na ngayon. At sila'y kumakain sa kanilang bahay.

Lalake : Aba sweet, nakaka tatlong sandwich ka na. At ang gabundok na pansit sa plato mo'y kapatagan na ngayon. Baka naman wala ng matira sa mga bata.
Babae : Eh sweetheart pasensya na. Nagutom kasi ako, sobrang daming nilabhang damit kanina.
Lalake : Naglaba??! Naglaba??! Ang sabihin mo ay sadya ka'ng matakaw!