Noon at Ngayon Ayon Sa Kuya Andoy

Some Are Smarter Than Others Series

Noon:


Mamay Kiko: O Alejandro, saan ka pupunta?
Kuya Andoy: Doon po.
Mamay Kiko: Saan doon!
Kuya Andoy: Doon po sa kanto maglalaro lang po.
Mamay Kiko: Ay siya'y sige. Babalik kaagad bago mag Orasyon at magdadasal tayo.
Kuya Andoy: Opo.

Ngayon:


Daddy: Anak saan ka pupunta?
Anak: Doon ho.
Daddy: Saan doon!
Anak: Ala'y sinabi ng doon, Tanong na ng tanong! Makalayas na nga sa buwisit na bahay na ito!

Noon:


Pedro: Magandang gabi po Mr. Katigbak, puwede po ba akong umakyat ng ligaw kay Maria?
Mr Katigbak: O siya sige iho, tuloy ka. Maria halika rito sa sala at may bisita ka.

At lumabas nga si Maria at naupo sila ni Pedro sa sofa na may isang dipa ang layo sa isa't isa. Nguni't may ilang minuto na silang magkaharap ay hindi pa rin makaimik si Pedro dahil may ilang dipa lang ang layo ni Mr Katigbak na nakaupo sa may veranda.


Pedro: Ahm Maria ang ganda ng inyong chandellier. Saan niyo binili iyan?
Maria: Ah binili yan ng lola ko nung nagpunta sila sa Europa bago pa man sumiklab ang ikalawang digmaan.
Pedro: Ahh. Eh yun bago niyong kalan? Ang ganda ganda. Galing din ga'ng Europa iyan?
Maria: Hindi. binili lng ng Lola ka iyan sa Avenida sa Maynila. Galing Estados Unidos daw iyan.
Pedro: Ahh. Eh Maria iyong kinain ba nating masarap na Putchero kahapon,ikaw ba nagluto nun?
Maria: Si Mama ang nagluto noon. Nagustuhan mo pala.

Mamaya maya pa'y nag ubo-ubuhan si Mr Katigbak. At panay ang tingin sa kanyang relos.

Pedro: Ahm Sir tutuloy na po ako. Marami po'ng salamat sa inyong pagtanggap.
Mr Katigbak: Siya sige Iho. Kasihan ka nawa ng Panginoon.

Ngayon:
Sonny: Tito Carding nariyan po ba si Tin-tin? Aayain ko ho sanang kumain sa labas at manood ng sine.
Carding: Nariyan Sonny, kaninang kanina ka pa nga hinihintay eh.
Sonny: Ah ganoon ho ba, eh tito Carding baka ho kami gabihin sa panonood kasi masyado ho'ng ma-traffic pa-bayan.
Carding: Walang problema Sonny Boy basta ikaw!
Sonny: Talaga ho tito! Salamat!
Carding: Walang anuman Sonny Boy! Ikaw pa, eh ang lakas mo sa akin.
Carding & Sonny: Apir!!!