8th of March

To the rarest gem of a person who was once our guiding light and bearer of our pain, this poem is for you.


8th of March


Zoom above and across the sky,
endless horizon on a sea of light.
Nowhere on earth will you ever find,
a loving Grandma as good as mine.


In the beginning she's all alone,
determined to live life on her own.
Away from Zamboanga she stayed here,
doting Aunt Miñang had held her dear.


In raising her kids she showed them love,
meeting their needs was her full-time job.
After the storm,the rain subsides,
all her children are now alright.


Now her grandchildren had came along,
on to the old house they all belong.
Always attentive and always kind,
forever patient on every child.


Rise up on this occasion Inay my dear,
inside my heart the loudest cheer.
Coz you took care of us and oh so well,
a standing ovation as you bid farewell.


*Read Thoughts About Inay.

Inay @ 84

Meron pa bang pag-ibig na hihigit,

sa pagmamahal na aming nakamit.

Ito'y mula sa Inay na kay bait,

mga apo'y aruga't may malasakit.

Para sa kanya lahat pantay-pantay,

kahit ika'y bunso o panganay.

Hain sa mesang tambakol at gulay,

basta't gutom ka'y sayo'y ibibigay.

Sa kanyang mga apo'y simple ang payo,

aral mabuti't sumimba pag linggo.

Batid niyang mahalaga sa tao,

pagmamahal kay Hesus na totoo.

Ang tagal ng walay ay di dahilan,

upang ang kagaya mo'y malimutan.

Kahit wala ka sa iyong kaarawan,

gugunitain ko't ipagdiriwang.

Ang handog ko sayo'y mumunting dasal,

at bulaklak na dadalhin sa Floral.

Hiling ko sa Diyos na Poong Maykapal,

wag pababayaan Inay kong mahal.

*Inay is Manuel's paternal Grandmother

Tatay Timiong

Sa galing nyang makisama'y walang tatalo.

Sa dami nyang barkada'y saludo ako.

Sapagkat ang tao'y maayos niyang ituring.

Meron man o wala'y di itulak kabigin.

Yan ang tatay Timiong ko nung nabubuhay pa.

Kung kumanang meyor baka nanalo siya.

Tanyag ang ngalan nya saan mang simburyo.

Dahil isa syang tunay na sabungero.

Mga panabong nya,bili man o palahi,

kasiyahan ang dala kapag nagwawagi.

"Oh anong galing ng aking alimbuyugin,

palalahian kita at pararamihin."

Si pareng Charlie,Toning Usoy at Pungos,

tuwing umaga ay sa ami'y dumaragos.

Pag-himas sa manok,umpisa ng maghapon.

Giliw sa tinale'y sanhi ng pagtitipon.

Basta't tungkol sa texas sila ay masaya.

Samahan pa ng alak,maghapo'y gaganda.

Kung kumagat ang dilim at siya'y wala pa,

doon sa pintua'y mag abang-abang ka na.

Uuwi siya ng lasing datapuwa't nanalo,

ihanda ang bulsa mo sa kanyang balato.

Pag ang galante'y inabutan mo ng lasing,

jackpot talaga! sabay tulog ng mahimbing.

Bilang lolo'y kay sarap niyang kasama.

Animo'y teenager kung siya'y mag-aasta.

Malayong lawa't dagat ang pasyalan namin.

Pag sawa na'y dun naman sa Los Banos hot spring.

Walang balakid at walang dahi-dahilan,

pupunta kami pag kanyang naisipan.

Sa tatay Timiong ko'y ako'y humahanga,

pagkatalas ng mata miski matanda na!

De bomba niyang baril lagi sa kanyang piling.

Konsentrasyon sa target ay di nababaling.

Ibon mang maliit,kay layo ng distansya,

pag inasinta niya'y patay kang bata ka!

Siya'y kilala rin sa pag-aalaga ng aso.

Aso'y natuturuan nya na parang tao.

San ka nakatalang asong namamaraka?

Matapos maghatid ng bata sa eskuwela!

Ang ngalan niya'y Hunter na ubod ng talino.

Hatid niya'y tuwa't saya sa maraming tao.

Ang kanyang mga kamay ay totoong kay galing.

Anumang uri ng sira'y kaya nyang gawin.

Kahit sakit ng manok o ng asong bahay,

biglang gumagaling sa munti nyang dantay.

Handy man,veterinaryo at electrician,

alwagi din siya at ekspert sa lutuan.

Sa mga hindi umabot ay pasensya na,

pagkat di mo na matitikman ang luto nya.

Kaldereta,champeni,o simpleng pansit lang,

sarap ng kanyang timpla'y di matatawaran.

Inihaw niyang baboy ay da best talaga!

Pag asa tindagan siya'y bantayan mo na.

Maging sa namumungang kahoy,mahusay sya.

Anaki'y lahat ng puno'y natanim na nya.

Kaalaman sa grafting ang siyang dahilan,

kaya puro prutas ang aming looban.

Avocado't lanzones,makopa't manga,

langkang minamatamis,buto'y nilalaga.

Sa pulitika nama'y di siya maiiwan.

Lahat ng naging alkalde'y kanyang kaibigan.

Isa na dito si Mayor Ruben Umali.

Siya ang bestfriend ng tatay dun sa aming tabi.

Dahil Luz Africa't Librea Malabanan,

kanya kaya nyang harapin kahit na sinuman.

Hanggang dito na lang ang aking nalalaman.

Pagkat lumisan siya nung ako'y siyam pa lang.

Sayang at di siya tumagal-tagal kahit konti,

inabot sana nya aking naging palahi.

Disin sana'y lagi kaming pasabungan,

ipagmamaneho ko siya at aalalayan.


*Tatay Timiong is Manuel's paternal Grandfather