Principal Arguelles

Some Are Smarter Than Others

PRINCIPAL ARGUELLES

     Si Mrs Arguelles ay isang maliit, matanda, at uugod-ugod na principal ng Bulacnin Elementary School. At dahil siya ay strikto at isang disiplinaryan ay natural lamang na mapag-initan nya ang easy-go-lucky na si Maestro Andoy.
 
Minsan isang umaga ay pumasok ang kuya Andoy at siya'y nagulat dahil wala na ang kanyang pisara at nakasandal sa dingding ang isang bagong-bagong pisara. Pinagmamasdan ng kuya Andoy ang kagandahan nito ng biglang pumasok si Prinsipal Arguelles.

P.Arguelles   :  O yan na Maestro Andoy ang hinihingi mong bagong pisara,ikabit mo na.
Kuya Andoy   :  Opo Mam. Salamat po Mam!

     Makalipas ang ilang sandali.

P.Arguelles    :  Maestro Andoy! Ang pagkataas naman ng pisara mo. Baka hindi na maabot ng mga eskuwela mo yan. Ikabit mo nga ng tama yan.
Kuya Andoy  :  Opo Mam.

     Makalipas ang ilang sandali.

P.Arguelles    :  Maestro Andoy!! Pagkababa naman nyan! Baka makuba ka na sa pagsusulat diyan. Ikabit mo nga ng tama yan.
Kuya Andoy  :  Opo Mam.

     Lumipas muli ang ilang sandali.

P.Arguelles    :  Mr Africa!!! Anong kalokohan ito? Bakit nakalupagi sa sahig ang bagong pisara!! Aba'y talagang nakakaloko ka na.....
Kuya Andoy  :  Aba Mam,nung ikinabit ko sabi nyo pagkataas. Nung ibinaba ko naman sabi mo'y pagkababa. Ay are na ang martilyo't pako at ikaw na ang magkabit.
Students       :  Hahahahahaha!