Spot Inspection

Some Are Smarter Than Others Series


SPOT INSPECTION

     Minsa'y pumasok ang kuya Andoy sa pinagtuturuan niyang eskuwelahan at nakita niya ang kanyang mga co-teachers na nagbubulungan at mukhang kabado.

kuya Andoy  :  Ano ga namang agang-aga'y para kayong mga bubuyog na nagbubulungan dyan. At ang mga mukha niyo'y hindi maipinta.
Co-teachers  :  Eh Maestro andiyan ang mga taga Ministry of Education at iniinspection ang cleanliness ng mga eskuwela natin.
kuya Andoy  :  Eh ano naman ngayon?
Co-teachers  :  Aba maestro pag bumagsak sa pagsusuri ang mga eskuwela nati'y malamang maantala ang promotion natin bilang Teacher III.
kuya Andoy  :  Ah gay-on ga. Sige't pupuntahan ko ang mga bata.

At pumunta nga ang kuya Andoy sa kanyang silid-aralan.

Inspector #1  :  Ikaw ba si Mr Alejandro Africa?
kuya Andoy    :  Ako nga po. Bakit po Mam?
Inspector #2  :  Eh Maestro katatapos lang naming mag-conduct ng cleanliness inspection sa mga pupils mo. Mr Africa bakit ang hahaba at ang dudumi ng kuko ng mga eskuwela mo. Bakit mo sila hinahayaang ganyan.
kuya Andoy    :  Aba Mam wala ho akong magagawa sa bagay na iyan.
Inspector #2  :  At bakit naman?
kuya Andoy    :  Eh kasi ho Mam bago ho pumasok ang mga batang iyan sa umaga ay sila muna'y naggagapas ng damo pamakain sa kanilang alagang baka't kabayo. Sa hapon naman pag-uwi'y naggagapas muli para pamakain sa kanilang alagang hayop. Pag pinaputulan ko ho ng kuko ang mga iyan ay mahihiwa ng talahib o ng urang ang dulo ng kanilang daliri. Kaawa-awa naman.
Inspector #1  :  Ah ganon ba. Eh itong eskuwela mong mga lalake,kay lalago ng buhok. Bakit mo sila hinahayaang ganyan.
kuya Andoy    :  Eh Mam wala ho akong magagawa sa bagay na iyan.
Inspector #2  :  At bakit naman?
kuya Andoy    :  Eh ang bilin ho kasi ng mga hukbalahap ay huwag ko daw papuputulan ng buhok ang mga eskuwela kong lalake.
Inspector #1  :  At bakit daw?
kuya Andoy    :  Yan ho ang hindi ko alam. Pero kung gusto niyo ho ay sasamahan ko kayo sa kuta nila sa kabilang bundok at itatanong natin kung bakit.
Inspector #2  :  Ah eh huwag na Maestro,hayaan mo ng malago ang buhok ng mga iyan...Eh itong mga eskuwela mong babae,grade four na'y hindi pa rin nagpapanty. Huwag mong sabihing wala ka nanamang magagawa.
kuya Andoy    :  Ay talagang wala ho akong magagawa sa bagay na iyan.
Inspector #1  :  At bakit nanaman!??
kuya Andoy    :  Aba'y ultimo ho ina ng mga iyan ay hindi rin nagpapanty eh.
Inspector #1  :  Aba'y paano mo naman nalaman?
kuya Andoy    :  Aba'y tanaw ko ho sa bintana ang ina ng mga iyan,pag naihi'y basta na laang naupo!
Inspector 1 and 2 :  Hahahahaha!